| Original text: | res quas Pipinus et coniux sua Blictrudis donavit ad basilicas sanctorum, videlicet sancti Petri sanctique Martini, quasque Clodulfus maior domus in villas nuncupatas Hreotio et Littemala subteriore construxit omnes ex integro reddimus nostra auctoritate ad dictas basilicas et quantum ipse in ipsas villas filio suo Aunulfo moriens dereliquit, totum ad integrum ad matriculas XXIIII qui in ipsis synodochiis debent residere et de fructu qui in ipsis villis laborari dinoscitur, plenariam substantiuam debent habere, ut attentius eis delected pro remedio animarum nostrarum domini misericordiam implorare. Et suprascriptas res una cum iam dictis basilicis sanctorum Petri et Martini vel ceterorum sanxtorum quorum pignora ibidem venerari noscuntur, a die presenti tam in domibus aedificiis, mancipiis, peculiis, molendiniis cum omnibus adiacantiis ibidem aspicientibus iam dictis matriculariis et abbati ipsorum locorum per omnia tradendo reddimus, ut quicquid ibi melius in terris et edificiis sive pascuis ac molendiniis commutare et restaurare atque emendare potuerint, firmam et liberam absque ullius contradictione hebeant potestatem (...) |
|---|