| Original text: | Domino sancto et in Christo patri Rimagilo episcopo vel omni congregationi monaterio Malmundario seu Stabelau consistentium Grimoaldus. recogitans molem peccaminum meorum, qualiter veniam optinere merear, dono vobis donatumque esse volo pro compendiis ipsorum servorum Dei qui in ipsa monateria conversare videntur, loco cognominante Germiniaco in pago Remensi, quem domnus gloriosus Sigibertus rex nobis concessit. Ipsam villam Germiniaco cum omni integritate sua domus, aedificiis, mancipiis, acolabus, pecuniis, campis, aquis cum omni soliditate et appendiciis, it est duos molendinos in Supia cum area et terra, vinea una in Beterio et alia appenditia quae dicitur Terune juxta fluviolum Axina, quem de Godetrude dato pretio comparavi domos, mancipiis, campis, pratis, veneis, aquis aquarumve decursibus cum omni integritate ad se pertinente, concedo vobis a die presente perpetualiter, ut ipsam villam Germiniaco vel appendiciis suis superius cognominatis teneatis, possideatis, vel quicquid inde facerevolueritis, liberam et firmissimam habeatis potestatem. |
|---|